لكل اللي طلبوا الوصفة الخاصة بعمل الربيانسألت لكم انيتا <-- خدامة خالتي
وتسلم عليكم وايد ومستانسة ان لها معجبين بأكلها وهذي الوصفة
المقادير:
ربيان
كركم
ملح
طحين
ماي
كمون
بيضتين
زيت
الطريقة:
ينظف الربيان
نخلط شوية كركم مع شوية ملح وقفشة طحين مع ماي ونغسل فيهم الربيان علشان تروح ريحة الزفرة بعدين نشخلهم بالمشخال
تجهزين عجينة السمبوسك وتقصصينها طوال ضعاف مثل ما مبين بالصورة فوق وتخلينها على جنب
بعدين نييب قلاص واحد ماي ونحطة على النااار ونحط فيه الربيان لما تحسون ان الربيان شرب الماي كله وبهالاثناء تحطين عليه كمون بودر وشوية ملح وكركم
نييب البيضتين ونخفقهم مع قفشة صغيرة طحين وبعد ما نخفقهم عدل نحط الربيان معاهم لما يصير الربيان لزج نييب عجينة السمبوسة ونلفها على الربيان بالطريقة اللي بالصورة وبعدها نقليها بالزيت
وبالهنــا والشفــا
ملاحظة:
زوجه انتر كويت ترى ناطرين تطبيقج بمدونة زوجج :)
0 comments:
Post a Comment