يوم الثلاثا كنت معزومة عند رفيجتي وكانوا قاعدين معانا بنات اخوها من الجيل اليديد اللي اهوو جيل الجامعه او teen agerوقاعدين يسولفون لنا عن الماك جيكن واحنا مثل الاطرش في الزفة شنووو يعني ماك جيكن ؟ مو الجكن برجر مالت ماكدونالدز ؟؟ واهم يضحكون علينا
طلع الماك جيكن لقب حق اللي يكون لابس او عنده اشياء معينه !! شمعنى ماك جيكن مادري !!
قلنا لهم يالله قولولنا شنوو لازم يكون عندنا علشان نصير ماك جيكن ؟
اول شي لازم عندكم BLACKBERRY بولد او كيرف ومايصير مفصخ وعليه لازم مكشخينه بكفر نيوون يكسر العين
ولازم في جهاز ثاني ستاند باي اللي اهو NOKIA E71
والحين لازم نعرف انواع سيايير الماك جيكن
اول شي مرسيدس G-class او رينج روفر
جيب لكزس
لاند كروزر
او باترول
وشلون عندك سيارة وما تعلق نجمه شوارفسكي !!
الشباب لازم يكونون لابسين بولو تيشيرت
او امريكان انجل
او Pogi
وكاشخ بجوتيك PUMA وانت وشطارتك بإختيار الالوان الصارخه
اما البنات فلازم جواتي او شحاطات فلات
وشلون تطلعون بشحاطة فلات واظافركم مو مصبغة بال Neon nail Polish
وهالكشخه يبيلها جنطة Marni أو Miu Miu او غيرها من الماركات الكشخه ويفضل فيها علاق وتحطينها كروس علشان السبورت لوك
والحين بنطلع وين يروحون الماك جيكن ؟
نينو ولا لورينزو وباقي هالمطاعم الكول
والله هالجيل كل ساعه طالعين لنا بسالفة هههههه
والله هالجيل كل ساعه طالعين لنا بسالفة ههههههقولولي عاد انتوا طلعتوا ماك جيكن ولا لأ ؟؟؟ كككككك
على فكرة عندهم قروب في الفيس بوك http://www.facebook.com/home.php?#/group.php?gid=121562520319
0 comments:
Post a Comment